Intingan wan Dayuhan
 |
Artikel ini mengandung lirik lagu yang mungkin memiliki hak cipta. Artikel ini dapat dihapus sewaktu-waktu jika diketahui melanggar hak cipta. Apabila Anda mengetahui informasi mengenai hak ciptanya, Anda dapat menambahkan informasi tersebut di halaman diskusi. |
| Lagu Banjar |
|---|
Intingan wan Dayuhan
Cipt. H. Anang Ardiansyah
Dangariakan, kisah baandi-andi
Intingan wan Dayuhan, nang disuruh umanya, manjaga pahumaan
Banih sudah manguning, pipit banyak mamakan
Sambil mamburu pipit, badua bahusutan
Hari bamula sanja, kadap samun di huma
Badua takutanan
Kada saapa, lalu datang Ni Yaksa
Pamakan manusia, awaknya panjang basar, sapuhun kariwaya
Muntungnya cawah banar, kaya kawah balanga
Rambut banyak bakutu, halalipan wan kala
Mula handak mamakan, apa akal Intingan
Badua bapantunan
U kaka, u kiki
Banih kita dimakan pipit, u kaka
Anai-anai bahindik hindik, u ading
Ulat bulu nang mamutiki
Ni Yaksa, Ni Yaksa
Nang bungas langkar lagi pambarian
Kami pang rela dimakan hampian
'Mun dibari habu halaban
Dayuhan mamusuti, dibawa barabahan
Sambil bakukutuan, Ni Yaksa kanyamanan, lalu pang taguringan
Disimbur di matanya, awan habu halaban
Raksasa kalimpanan, bakuriak kapadihan
Intingan wan Dayuhan, hancap basambunyian
Di pinggir baruh dalam
Ni Yaksa jarunjungan
Matanya kabur, bukah manyasahi
Tacabur di baruh, balalu mati
Badua barami-rami
U kaka, u kiki
Banih kita dimakan pipit, u kaka
Anai-anai bahindik hindik, u ading
Ulat bulu nang mamutiki