Pamainan Anak Tradisional Kalimantan Selatan/Ampar-ampar Pisang

Pernah ndak mandangan lagu Ampar-ampar Pisang? Yo, ko adolah lagu daerah Kalimantan Selatan. Lagu iko pulo nan manjadi pangiring dalam pamainan tradisional anak-anak Kalimantan.

Pamainan Ampar-ampar Pisang dilakuan dek siapo se, ndak ado batehan jumlah, baik anak laki-laki maupun padusi. Pamainan ko biasonya dimainan di dalam ruangan.

Alaik Pamainan

Indak ado alaiak nan dibutuahan dalam pamainan ko.

Caro Bamain

Satiok anak duduak jo caro basalonjor, duo kaki luruih ka muko jo dirapekan. Sadoalah pamain duduak badampiangan jo rapek, sahinggo kaki-kaki mereka baderet jo rapi saroman sasisia pisang. Tapi sajak pandemi Covid-19 jo panarapan social distancing, posisi duduak pamain mulai dimodifikasi manjadi bajarak di ampek arah mata angin (caliak gambar ilustrasi).

Ciek urang pamain (biasonyo di posisi tangah) akan manyantuah satiok kaki paserta pamainan, dari ujuang ka ujuang. Misal, pamain patamo ditandoi jo kaki A jo B, pamain kadua jo kaki C dan D, lalu pamain katigo jo kaki E jo F. Pamain tangah akan manyantuah kaki A, B, C, D, E, jo F sacaro bagantian.

Ko alah tibo di ujuang, pamain akan tatap manyantuah kaki jo urutan tabaliak, yakni F, E, D, C, B, jo A, lalu B lagi, C lagi, jo sataruihnyo. Samantaro dalam formasi social distancing, urutan kaki tatap malingka searah jarum jam, yakni A, B, C, D, E, jo F, lanjut ke A lagi.

Sambari manyantuah kaki-kaki sacaro bagantian, para pamain akan manyanyian lagu Ampar-ampar Pisang jo riang gembira, adapun liriknyo sabagai barikuik.

Ampar-ampar Pisang

Pisangku balum masak

Masak sabigi, dihurung bari-bari

Manggalepak, manggalepok

Patah kayu bengkok

Bengkok dimakan api, apinya cangcurupan

Siapa batis kutung, dikitip bidawang

Babarapo daerah juo manambahan lirik lagu sabagai barikuik.

Siapa gigi ompong, makan gula habang

Satiok suku kato atau penggalan kato dalam lagu tasabuik dinyanyian, mako pamain tangah akan manyantuah ciek per ciek kaki peserta, hinggo lirik lagu tasabuik salasai. Sia nan kakinyo disantuah tarakhir kali saik lirik lagu salasai, mako iny harus malipek kakinyo tasabuik sarupo gerakan bersimpuah, jo nyawanyo dalam pamainan tasiso ciek kaki se..

Pamainan akan dilanjuikkan jo langkah nan samo, manyanyian lagu Ampar-ampar Pisang, sambari pamain tangah manyentuah kaki pamain ciek per ciek. Pamain nan kaduo kakinyo alah talipek, mako inyo alah tareliminasi jo bisa menyingkir dari arena, supayo pamain nan tasiso bisa duduak labiah marapek. Pamain nan bisa batahan sampai akhir, di mano salah ciek kakinyo indak dilipek, inyo dinobatkan sabagai juaronyo.^[1]

Nilai Pamainan

Pamainan Ampar-ampar Pisang bisa manjadi salah ciek langkah untuak malestarian sastra lisan barupo nyanyian atau lagu daerah Kalimantan Selatan. Pamaianan iko juo bisa mamupuak raso pasahabatan anta pamain, jo malatiah sportivitas. Bagi anak nan alun bisa bahituang, latihan ko juo bisa manjadi sarana latihan untuak mahituang jumlah kaki-kaki pamain.

Lirik lagu Ampar-ampar Pisang juo sarat akan makna jo nasihat. Misalnyo dalam lirik ‘siapa gigi ompong, makan gula habang’ bararti soa nan giginya ompong, dek mamakan gula sirah (talalu banyak).

Rujuakan

↑ Pengalaman pribadi Penulis, ditambahkan dengan hasil wawancara pada sumber primer lainnya, yakni Fitria Anggeriyani (32 tahun), di Balai Kota Pemkot Banjarbaru, Rabu, 15 Maret 2023, pukul 10.00 WITA.

[1] Pengalaman pribadi Penulis, ditambahkan dengan hasil wawancara pada sumber primer lainnya, yakni Fitria Anggeriyani (32 tahun), di Balai Kota Pemkot Banjarbaru, Rabu, 15 Maret 2023, pukul 10.00 WITA.

[1]