Pamainan Anak Tradisional Kalimantan Selatan/Babanga
Babanga marupoan salah satu pamainan tradisional khas Kalimantan Selatan, nan umumnyo dimaian dek anak laki-laki, minimal duo urang atau labiah. Indak dikatahui sacaro pasti apo makna kato Babanga. Namun, manuruik panuturan para informan, pamainan iko patamo kali ditamuan di daerah Margasari, Kacamatan Candi Laras Utara, Kabupaten Tapin, Kalimantan Selatan, sekitar 140 km dari Kota Banjarmasin.[1]
Alaik Permainan
[sunting]Pamainan ini mambutuahan sakumpulan pidak atau biji karet, bisa juo diganti jo kemiri, atau dalam Bahasa Banjar disabuik kaminting. Sairiang jo pakambangan zaman, ado pulo babarapo urang nan manggantinyo jo kalereang.
Masiang-masiang pamain manantuan ciek pidak atau biji karet sabagai undas. Biasonyo undas nan dipiliah marupoan biji karet nan labiah gadang, padek, jo mampunya bobot atau barek.
Caro Bamain
[sunting]![](http://upload.wikimedia.org/wikipedia/commons/thumb/2/20/Babanga.jpg/220px-Babanga.jpg)
![](http://upload.wikimedia.org/wikipedia/commons/thumb/5/5c/Babanga_1.jpg/220px-Babanga_1.jpg)
Satiok pamain basapakek untuak mangumpuan biji karet jo jumlah nan samo, misal masiang-masiang pamain manyetoran limo biji karet. Biji karet nan takumpua kamudian dimasuakan ka dalam lingkaran nan digarih di ateh tanah, bisa juo manggunoan kapua jikok bamain di ateh pamukaan lantai kayu atau semen. Diameter lingkaran mulai dari 15 cm, jo akan manyasuaikan jumlah biji karet. Jiko banyak, mako lingkaran nan dibuek akan samakin gadang.
Para pamain bakumpua di garih muko, kurang labiah 3 (tigo) meter dari lingkaran tasabuik. Satiok pamain malakuan metode hompimpa atau basiun untuak manantuan urutan pamainan.
Pamain patamo akan malempa undasnyo manuju lingkaran. Jikok ado biji karet nan kalua dari lingkaran, mako pamain itu berhak untuak mandapekannyo. Namun jiko indak ado biji karet nan kalua, mako undas-nyo akan dibiaan di tampek ia tajatuah. Pamainan kamudian dilanjuikan dek urang kaduo jo sataruihnyo.
Undas para pamain nan tajatuah di lua lingkaran, akan dicaliak labiah dulu, mano nan paliang dakek jo lingkaran, maka ia nan akan malanjuikan pamainan di urutan patamo, membidiak kumpulan biji karet nan ado di lingkaran. Samakin dakek jo, mako akan samakin mudah.
Namun, jikok undas salah ciek pamain masuak ka dalam lingkaran, mako pamain tasabuik indak dibuliahan malanjuikan pamainan sampai sadoalah biji karet nan ado di dalam lingkaran alah abih kalua jo diambiak dek pamain lainnyo. Jikok biji karet di dalam lingkaran tingga saketek atau habih, mako masiang-masiang pamain akan kambali manyetoran biji karet miliknyo, jo jumlah nan samo sasuai kesepakatan.[2]
Pamain nan mandapekan biji karet paliang banyak di akhia pamainan Babanga, mako ia dinobaikan sabagai juaronyo.
Nilai Pamainan
[sunting]Pamainan Babanga dapek mampararek pasahabatan, malatiah kajalian sarato strategi dalam membidiak suatu target.