Pamainan Anak Tradisional Kalimantan Selatan/Bacirak
Pamainan Bacirak marupoan pamainan anak tradisional dari Kalimantan Selatan. Indak dikatahui arti kata Bacirak atau Cirak, tatapi pamainan ini cukup sederhana jo bisa dialkuan dek sia se, baik anak laki-laki maupun padusi, jo hanyo manbutuahan bahan sarupo karet galang. Indak ado batasan jumlah pamain, bisa dilakuan dek duo urang atau labiah.
Alaik Pamainan
[sunting]![](http://upload.wikimedia.org/wikipedia/commons/thumb/4/40/Bacirak.jpg/220px-Bacirak.jpg)
Pamainan iko mamaluan kajai. Masiang-masiang pamain mambaok kajai nan cukuik. Salain itu, juo mambutuahan duo buah kayu nan ditanam di tanah, jo tinggi kurang labiah sajangka dari tanah. Kaduo kayu tagak jo jarak kurang labiah ciek jangka, lalu dihubungan jo kajai nan mambantang.
Pamainan Bacirak juo mambutuahan undas, bisa barupo batu pipiah jo diameter kurang labiah 5 cm, atau kayu jo diameter nan samo. Babarapo pamain nan kreatif juo bisa mambuek undas dari anyaman kajai, nan bisa bagerak labiah fleksibel.
Caro Bamain
[sunting]Satiok pamain harus manyetoran kajai jo jumlah nan disapakati. Misal, ciek urang manyetor limo kajai, maka dari duo pamain akan takumpua sapuluah karet galang. Samakin banyak pamain, jumlah karet nan harus disetorkan untuak pasang dari satiok urang jadi labiah sagetek.
kajai nan disetor akan dilatakkan di ateh kajai nan mambantang di antaro duo kayu nan ditanam ka tanah. Ambil jarak untuak mambuek garis start, sakita limo meter atau sasuai kasapakatan. Ciek-ciek pamain akan malempar undas-nyo ka arah karet nan dibantang di antaro dua kayu. Bisa manggunoan metode bagasuik untuak manantuan sia pamain nan labiah dulu malempar, dek pamain patamo akan mampunyoi kauntuangan, jumlah karet nan manjadi target masih banyak.
Pamain patama malempa, jikok ado kajai nan jatuah dari tampeknyo, mako kajai tasabuik berhak ia ambil. Namun syaraiknyo, karet nan jatuah indak buliah tumpang tindiah. Jikok ado dua karet atau labiah nan saliang mangirih atau tumpang tindiah, mako harus dikembalian ka tali bantangan di antaro duo kayu, jo pamain kaduo akan mulai malempar.
Jikok karet setoran sudah habis, mako satiok pamain akan mamulai pamainan dari awal, manyetoran karetnyo jo jumlah sasuai kasapakatan. Pamain nan mampunyoi katarampilan mambidiak, akan mandapekan kajai labiah banyak jo dinobatan sabagai pamanang.[1]
Nilai Pamainan
[sunting]Pamainan Bacirak iko bisa mampararek pasahabatan, mangasah kamampuan fokus untuak mancapai target, strategi dalam mambidiak, juo mangasah katarampilan untuak mambuek undas nan bisa bagerak fleksibel. Jikok dimainan dek anak usia dini, pamainan ini juo bisa bamanfaat untuak mangajaan bahituang jo maagiah pamahaman untuang-rugi.
Referensi
[sunting]- ↑ Pengalaman pribadi Penulis, ditambahkan dengan hasil wawancara pada sumber primer lainnya, yakni Ahmid (29 tahun), di Lapas Teluk Dalam, Banjarmasin, Rabu, 22 Maret 2023, pukul 16.00 WITA.