Pamainan Anak Tradisional Kalimatan Selatan

Pamainan anak tradisional Kalimantan Selatan alah jarang sobok, sairiang paseknyo pakambangan teknologi. Padohal, pamainan tradisional Suku Banjar jo Dayak mampunyoi ciek kaunggulan, dek mamanfaaikan alaik jo bahan nan ado di alam sakita. Pamainan umumnyo juo dilakuan sacaro bakalompok untuak mamupuak raso pasahabatan, baiak antaro anak laki-laki maupun padusi.

Barikuik ko rangkuman sajumlah pamainan anak tradisional Kalimantan Selatan nan alah jarang sobok, jo harapan bisa manjadi pamantik untuak manggeloraaan baliak pamainan anak-anak. Apolai, Kalimantan Selatan ka manjadi payangga Ibu Kota Negara (IKN), sehinggo warisan leluhua nan mampunyoi nilai-nilai positif nan indak buliah ilang sairiang pakambangan jaman.

Peta Provinsi Kalimantan Selatan

Sakileh Tantang Kalimantan Selatan

Provinsi Kalimantan Selatan marupoan sabuah provinsi di Indonesia nan talatak di Pulau Kalimantan. Sajak pandiriannyo, ibu kota provinsi ko adolah Banjarmasin, namun sajak 14 Maret 2022, pamarintah resmi mamindahan Ibu Kota Kalimantan Selatan ka Banjarbaru. Provinsi ko mampunyoi lueh sakita 38.744 km2 jo panduduak sakitar 4 juta jiwa. Mayoritas panduduak barasa dari suku Banjar jo Dayak.

Dilansia dari Badan Pusat Statistik per tahun 2020, kalompok tagadang di Kalimantan Selatan adolah golongan anak-anak usia 5-9 tahun, yakninyo sabanyak 411.543 jiwa, kamudian disusua kelompok Balita mancapai 392.904 jiwa, jo kalompok anak-anak sakolah dalam rantang usia 10-14 tahun, yakninyo sabanyak 387.337 jiwa. Dek tu lah, diperaluan kagiatan positif sarupo pamainan-pamainan tradisional nan bisa masah motorik anak, sakaliguih maajaan kahidupan sosial.

Daftar Isi

• Ampar-ampar Pisang
• Babanga
• Bacirak
• Badamprak (Main Inting/engklek)
• Bagasing
• Balogo
• Bapidak
• Basimban
• Batiwah
• Batungkau (Egrang)
• Cuk Cuk Bimbi
• Kalananan Dandang
• Tali Ulai
• Wis Tak Tik Bom

Istilah-istilah

Ado babarapo istilah nan paralu dikatahui sabalum masuak pambahasan manganai babagai pamainan anak tradisional Kalimantan Selatan. Maingek ado babarapp pamainan nan dilakuan sacaro bakalompok, mako untuak manantuan sia pamain nan jago atau pasang, atau dalam Bahasa Banjar disabuik ‘ajak’, biasonyo digunoan matode hompimpa.

Sekumpulan anak-anak sedang menentukan pemain nan ajak dengan menggunakan metode hompimpa (dalam Bahasa Banjar disebut umpimpah).

Namun khusus di Kalimantan Selatan, ado istilah lain untuak manyabuik hompimpa, yakni umpimpah, jo ado babarapo kalompok lain nan manyabuiknyo humpilahum pimpah. Matode nan digunoan samo sarupo pado umumnyo, dalam tradisi umpimpah tadapek duo kode talapak tangan, yakninyo tabukak (bagian talapak maadok ka ateh) jo tatutuik (talapak tangan maadok ka bawah).

Ado ciek lai matode untuak manantuan sia pamain nan jago atau pasang jikok hanyo ado dua pamain nan saliang balawanan, yakninyo jo suit, atau dalam istilah Banjar disabuik basiun atau pingsut. Kaduo pamain akan mamiliah manguluran jempol (gajah), talunjuak (manusia), atau kalingkiang (samuik) sacaro basamoan. Gajah akan manang dari manusia, tatapi kalah dari samuik. Manusia ka manang dari samuik, tatapi kalah dari gajah. Modetu lo jo samuik, inyo akan manang malawan gajah, tatapi kalah dari manusia.

Ciek hal lai nan paralu dikatahui sabalum manyimak pamainan anak tradisional Kalimantan Selatan, ado cukuik banyak pamainan nan mnggunoan benda ketek sabagai representasi dari sang pamain, nan biasonyo disabuik sabagai undas, jo digunoan sabagai sanjata andalan dalam pamainan. Jenis undas tagantuang pamainan itu surang, ado nan manggunoan batu ketek pipih jo ukuran garis tangah 5 cm, atau potongan kayu ketek ukuran 5x5 cm, jo biji karet. Panulih juo babarapo kali mandapek pamainan anak tradisional Kalimantan Selatan manggunoan undas barupo potongan karamik.